Абай облысында іскер әйелдерге арналған облыстық форумы өтті.

«Абай облысы ішкі саясат басқармасы» ММ мемлекеттік әлеуметтік тапсырысы мақсатына «СОЦKZ» қоғамдық қоры «Әйелдердің қоғамдағы іскерлік және көшбасшылық келбеті» тақырыбында облыстық форум ұйымдастырды.

Іс-шараға облыс деңгейіндегі қонақтар мен спикерлер шақырылып, олар өз тәжірибелерімен бөлісіп, практикалық дағдыларын көрсетті.

Форум тақырыптары жеке өсу мен өзін-өзі дамыту мәселелерінен бастап, жеке кәсіп бастау және жүргізу жолдарын қамтыды. Сондай-ақ, іс-шара барысында болашақ көшбасшыларға өз идеялары мен жобаларын жүзеге асыруға көмектесетін өзекті бағдарламалар мен гранттар талқыланды.

Қатысушылар алған білімдерінің жаңа жетістіктерге үлкен мотивация бергенін атап өтті! Мұндай форумдар – шабыт, білім алу және қоғамның жаңа көшбасшыларын қалыптастыру үшін тамаша алаң екеніне сенімдіміз.